வரலாற்றில் இன்று ஏப்ரல் 22 ...

வரலாற்றில் இன்று ஏப்ரல் 22 ...

நிகழ்வுகள்

1906 – 1906 இடைச்செருகிய ஒலிம்பிக் விளையாட்டுப் போட்டிகள் ஏதென்சு நகரில் ஆரம்பமானது.

1912 – உருசியாவின் பொதுவுடமைக் கட்சியின் பத்திரிகை பிராவ்தா சென் பீட்டர்ஸ்பேர்க் இலிருந்து வெளிவர ஆரம்பித்தது.

1915 – முதலாம் உலகப் போர்: பெல்ஜியத்தின் ஈப்ர நகரில் செருமனி முதன் முதலாக குளோரீன் வாயுவை வேதியியல் ஆயுதமாகப் பாவித்தது.

1930 – ஐக்கிய இராச்சியம், யப்பான், அமெரிக்கா ஆகியன நீர்மூழ்கிக் கப்பல் போர்முறையின் சீர்மை குறித்தான உடன்படிக்கையில் கையெழுத்திட்டன.

1944 – இரண்டாம் உலகப் போர்: நேச நாடுகள் நியூ கினியின் ஜயபுர என்ற இடத்தில் தரையிறங்கினர்.

1945 – இரண்டாம் உலகப் போர்: குரோவேசியாவில் ஜசெனோவாச் வதை முகாம் கைதிகள் சிறையுடைப்பில் ஈடுபட்டபோது 520 கைதிகள் கொல்லப்பட்டனர். 80 பேர் தப்பியோடினர்.

1945 – இரண்டாம் உலகப் போர்: சோவியத் படைகள் பெர்லினில் எபெர்ஸ்வால்ட் நகரை இலகுவாகக் கைப்பற்றியதைக் கேள்வியுற்ற இட்லர் பதுங்கு அறையில் இருந்தவாறு தனது தோல்வியை ஒப்புக் கொண்டு, தற்கொலையே ஒரே வழியெனக் கூறினார்.

1946 – மலாயாவில் சப்பானின் ஆக்கிரமிப்பில் 5 ஆண்டுகளாக இருந்த இலங்கையரின் முதலாவது தொகுதியினர் கொழும்பு வந்து சேர்ந்தனர்.[1]

1948 – அரபு – இசுரேல் போர்: இசுரேலின் முக்கிய துறைமுக நகரான கைஃபா அரபுப் படைகளிடம் இருந்து கைப்பற்றப்பட்டது.

1970 – முதலாவது புவி நாள் கொண்டாடப்பட்டது.

1972 – வியட்நாம் போர்: வியட்நாமில் அமெரிக்கக் குண்டுவீச்சுகள் அதிகரிக்கப்பட்டதை அடுத்து, லாஸ் ஏஞ்சலஸ், நியூயார்க் நகரம், சான் பிரான்சிஸ்கோ ஆகிய நகரங்களில் போருக்கு எதிரான ஆர்ப்பாட்டங்கள் இடம்பெற்றன.

1977 – ஒளியிழை முதற்தடவையாக நேரடித் தொலைக்காட்சி நிகழ்ச்சிகளுக்காகப் பயன்படுத்தப்பட்டது.

1983 – இட்லரின் நாட்குறிப்புகள் கிழக்கு செருமனியில் கண்டுபிடிக்கப்பட்டதாக டேர் ஸ்டேர்ன் என்ற செருமனிய இதழ் அறிவித்தது. ஆனால் இக்குறிப்புகள் பொய்யானவை என நிரூபிக்கப்பட்டது.

1992 – மெக்சிக்கோவில் குவாதலகாரா என்ற இடத்தில் இடம்பெற்ற தொடர் குண்டுவெடிப்புகளில் 206 பேர் கொல்லப்பட்டு 500 பேர் வரையில் படுகாயமுற்றனர்.

1997 – அல்ஜீரியாவில் கெமிஸ்ரி என்ற இடத்தில் 93 கிராம மக்கள் படுகொலை செய்யப்பட்டனர்.

1997 – பெருவின் தலைநகர் லீமாவில் ஜப்பானிய தூதுவர் இல்லத்தில் 126 நாட்களாகப் பணயக் கைதிகளாகப் பிடித்து வைக்கப்பட்டிருந்த 71 பேர் அரசுப் படைகளின் தாக்குதலின் பின்னர் விடுவிக்கப்பட்டனர்.

2000 – ஆனையிறவு படைத்தளம் தமிழீழ விடுதலைப்புலிகளிடம் வீழ்ச்சியடைந்தது.

2004 – வட கொரியாவில் இரண்டு தொடருந்துகள் மோதியதில் 150 பேர் உயிரிழந்தனர்.

2005 – யப்பானியப் பிரதமர் ஜூனிசிரோ கொய்சுமி யப்பானின் போர்க்கால நடவடிக்கைகளுக்காக மன்னிப்புக் கேட்டார்.

2006 – நேபாளத்தில் மன்னருக்கெதிராக கலகத்தில் ஈடுபட்ட மக்களாட்சிக்கு ஆதரவானோர் மீது காவல்துறையினர் சுட்டதில் 243 பேர் காயமுற்றனர்.

2006 – இந்தியாவின் ஒரிசா மாநிலத்தில் உள்ள ஆய்வு மையத்தில் பிரமோஸ் ஏவுகணை வெற்றிகரமாகச் சோதிக்கப்பட்டது.

2014 – காங்கோவில் கட்டாங்கா மாகாணத்தில் தொடருந்து விபத்து ஒன்றில் 60 பேர் உயிரிழந்தனர், 80 பேர் காயமடைந்தனர்.

2016 – புவி சூடாதலைத் தவிர்ப்பதற்கான உதவிகள் குறித்த உடன்பாடு பாரிசு நகரில் எட்டப்பட்டது.


பிறந்த நாள்

1870 – விளாதிமிர் லெனின், உருசிய பொதுவுடமைத் தலைவர், சோவியத் ஒன்றியத்தை நிறுவியவர் (இ. 1924)

1891 – அரோல்டு ஜெப்ரீசு, ஆங்கிலேயக் கணிதவியலாளர், வானியலாளர் (இ. 1989)

1899 – விளாடிமிர் நபோக்கோவ், உருசிய எழுத்தாளர் (இ. 1977)

1902 – அ. இராகவன், தமிழக நுண்கலை ஆய்வாளர், எழுத்தாளர் (இ. 1981)

1904 – ஜெ. இராபர்ட் ஓப்பன்ஹீமர், அமெரிக்க இயற்பியலாளர் (இ. 1967)

1909 – ரீட்டா லெவி மோண்டால்சினி, நோபல் பரிசு பெற்ற யூத-இத்தாலிய மருத்துவர் (இ. 2012)

1916 – எகுடி மெனுகின், அமெரிக்க-சுவிட்சர்லாந்து வயலின் கலைஞர் (இ. 1999)

1931 – குலதெய்வம் ராஜகோபால், தமிழ்த் திரைப்பட நகைச்சுவை, குணசித்திர நடிகர் (இ. 1992)

1935 – பாமா ஸ்ரீநிவாசன், இந்திய-அமெரிக்கக் கணிதவியலாளர்

1937 – ஜேக் நிக்கல்சன், அமெரிக்க நடிகர்

1940 – க. சட்டநாதன், ஈழத்து எழுத்தாளர்

1945 – கோபாலகிருஷ்ண காந்தி, மேற்கு வங்கத்தின் 22வது ஆளுநர்

1952 – கம்லா பெர்சாத் பிசெசார், திரினிடாட் டொபாகோ குடியரசின் 7வது பிரதமர்

1962 – ஜெயமோகன், தமிழக எழுத்தாளர்

1971 – எரிக் மபியுஸ், அமெரிக்க நடிகர்

1982 – காகா, பிரேசில் கால்பந்து வீரர்


நினைவு நாள்

1994 – ரிச்சர்ட் நிக்சன், அமெரிக்காவின் 37வது அரசுத்தலைவர் (பி. 1913)

2002 – எஸ். டி. சிவநாயகம், இலங்கை பத்திரிகையாளர், எழுத்தாளர்

2002 – லிண்டா லவ்லேஸ், அமெரிக்க நடிகை (பி. 1949)

2004 – கந்தர்வன், தமிழக எழுத்தாளர், கவிஞர், தொழிற்சங்கவாதி (பி. 1944)

2013 – லால்குடி ஜெயராமன், தமிழக வயலின் இசைக்கலைஞர் (பி. 1930)

2020 – ஏ. ரகுநாதன், ஈழ-பிரான்சிய நாடகக் கலைஞர்


சிறப்பு நாள்

புவி நாள்

கண்டுபிடிப்பு நாள் (பிரேசில்)

பெரும் இன அழிப்பு நினைவு நாள் (செர்பியா)


Share Tweet Send
0 Comments
Loading...