தினசரி நடப்பு நிகழ்வுகள் 17.9.2021 (Daily Current Affairs)

தினசரி நடப்பு நிகழ்வுகள் 17.9.2021 (Daily Current Affairs)

கண்டுபிடிப்பு

நெப்டியூன் கிரகத்திற்கு அப்பால் 800-க்கும் மேற்பட்ட துகள்கள் கண்டுபிடிப்பு..!!

🔷சூரியக் குடும்பத்தின் மர்மமான கோளாகக் கருதப்படும் நெப்டியூனுக்கும் அப்பால் 800-க்கும் மேற்பட்ட பொருட்களை வானியல் ஆய்வாளர்கள் கண்டுபிடித்துள்ளனர்.

🔷நெப்டியூன் என்ற கிரகம் இருப்பதாக சூழ்நிலை ஆதாரங்களை மட்டுமே எடுத்துக் கூறும் விஞ்ஞானிகள் இதற்காக கடந்த 6 ஆண்டுகளாக நெப்டியூனின் சுற்றுவட்டப் பாதையை ஆராய்ந்து வந்தனர்.

🔷அப்போது அதற்கும் அப்பால் 800-க்கும் மேற்பட்ட TNOs எனப்படும் டிரான்ஸ் நெப்டியூன் ஆப்ஜக்ட் எனப்பொருள்படும் துகள்களைக் கண்டறிந்துள்ளனர். இவை குள்ள ரகத்தைச் சேர்ந்த கிரகங்களாகவோ, விண்மீன் திரள்வுகளாகவோ இருக்கலாம் என்று கணிக்கப்பட்டுள்ளது.

கண்டுபிடிப்பு

பல லட்சம் ஆண்டுகளுக்கு முந்தைய ஹைபோடோன்ட் வகை சுறா மீனின் பற்கள் கண்டுபிடிப்பு..!!

🔷பல லட்சம் ஆண்டுகளுக்கு முந்தைய ஹைபோடோன்ட் வகை சுறா மீனின் பற்கள் ராஜஸ்தான் மாநிலத்தில் முதன்முறையாக கண்டுபிடிக்கப்பட்டுள்ளது.

🔷ஜெய்ப்பூர் மேற்கு மண்டலத்தில் இந்திய புவியியல் ஆய்வு நிறுவனத்தைச் சேர்ந்த கிருஷ்ணகுமார், பிரக்யா பாண்டே, த்ரிபர்னா கோஷ், டெபாசிட் பட்டாச்சாரியா ஆகிய அதிகாரிகள் அடங்கிய குழுவினர் இதனைக் கண்டறிந்துள்ளனர்.

🔷ராஜஸ்தான் மாநிலத்தில் ஜெய்சால்மர் பகுதியிலிருந்து ஜுராசிக் பாறாங்கற்களில் (ஏறத்தாழ 160-168 மில்லியன் ஆண்டுகள் பழமை வாய்ந்த) முதன்முறையாக ஹைபோடோன்ட் வகை சுறா மீன் கண்டறியப்பட்டிருப்பதாக மூத்த புவியியல் ஆய்வு அதிகாரி கிருஷ்ண குமார் கூறினார்.

🔷தற்போது அழிந்திருக்கும் இந்த வகை சுறா மீன்கள், ஜுராசிக் மற்றும் அதற்கு முந்தைய காலத்தில் கடல் மற்றும் நதிகளில் பெரும்பாலும் காணப்பட்ட மீன் வகை ஆகும். எனினும் ஜுராசிக் காலத்தின் மத்தியில் இந்த வகை சுறா மீன்களின் எண்ணிக்கை குறையத் தொடங்கி, சுமார் 65 மில்லியன் வருடங்களுக்கு முன்பு இவை முழுவதும் அழிந்தன.

🔷ஜெய்சால்மரில் புதிதாக கண்டறியப்பட்டுள்ள பற்கள், ஸ்ட்ரோஃபோடஸ் ஜெய்சல்மரென்சிஸ் என்ற புதிய உயிரினத்திற்கு சொந்தமானது என்று ஆராய்ச்சி குழுவினர் தெரிவிக்கின்றனர்.

🔷இந்த உயிரினம் இந்தியத் துணை கண்டத்தில் முதன்முறையாக கண்டறியப்பட்டிருப்பதுடன், ஆசியாவில் ஜப்பான், தாய்லாந்தைத் தொடர்ந்து இது மூன்றாவது கண்டுபிடிப்பாகும்.

🔷ஜுராசிக் காலத்திய முதுகெலும்புடைய புதைபடிவங்கள் குறித்த ஆராய்ச்சியில் இந்தக் கண்டுபிடிப்பு முக்கிய மைல்கல்லாக அமைந்துள்ளது.

விளையாட்டு

பிசிசிஐ ஜூனியர் தேர்வுக்குழுத் தலைவராக தமிழக முன்னாள் வீரர் தேர்வு..!!

🔷பிசிசிஐ ஜூனியர் தேர்வுக்குழுத் தலைவராக தமிழக முன்னாள் வீரர் எஸ். ஷரத் தேர்வாகியுள்ளார்.

🔷முதல் தர கிரிக்கெட்டில் 100 ஆட்டங்களில் விளையாடிய முதல் தமிழக வீரர் ஶ்ரீதரன் ஷரத். 27 சதங்கள் உள்பட 8700 ரன்கள் எடுத்துள்ளார்.

🔷இந்நிலையில் பிசிசிஐ ஜூனியர் தேர்வுக்குழுத் தலைவராக எஸ். ஷரத் தேர்வாகியுள்ளதாக பிசிசிஐ அறிவித்துள்ளது. தேர்வுக்குழுவில் பதிக் படேல், ரனதேப் போஸ், கிரிஷன் மோகன், ஹர்விந்தர் சிங் சோதி ஆகியோரும் இடம்பெற்றுள்ளதாக அறிவிக்கப்பட்டுள்ளது.


Share Tweet Send
0 Comments
Loading...