Pablo escobar - வாழ்க்கை வரலாறு

Pablo escobar - வாழ்க்கை வரலாறு

பப்லோ எமிலியோ எஸ்கோபர் கவிரியா தன் வாழ்நாட்களில் குற்றங்களை மட்டுமே தொழிலாக வைத்து 400 சொகுசு பங்களா, தனியார் விமானங்கள், சொந்தமாக மிருக காட்சி சாலை என பகட்டாக வாழ்ந்த ஒரு மனிதர்.

புனை பெயர்கள்: டாக்டர், ஆதரவாளர், டான் பப்லோ , கடவுள்

பிறந்த நாள்: 01 டிசம்பர் 1949

தேசியம்: கொலம்பியன்

இறந்தபோது அவரது வயது: 44

பிறந்த இடம்: ரியோனெக்ரோ

உயரம்: 1.67 மீட்டர்

தந்தை: ஆபெல் டி ஜெசஸ்டரி எஸ்கோபர்

தாய்: ஹெமில்டா கவிரியா

இறந்த நாள்: டிசம்பர் 2, 1993

இறந்த இடம்: மெடலின், கொலம்பியா

குழந்தை பருவம்

பப்லோ எஸ்கோபர் கொலம்பியாவில் உள்ள ரியானெக்ரோவில் 1 டிசம்பர் 1949 அன்று பிறந்தார். இவரது தந்தை ஜெசஸ் டரி எஸ்கோபர் மற்றும் தாய் ஹெர்மில்டா கவிரியா. இவரது உடன்பிறந்தோர் மொத்தம் ஏழு பேர் அதில் இவர் மூன்றாவது நபர் ஆவார். இவரது தந்தை ஒரு விவசாயி, தாய் தொடக்க பள்ளி ஆசிரியை ஆவார்.

ஆரம்ப வாழ்க்கை

⚡தனது இளைமை பருவத்திலேயே பணக்காரர் ஆகி விட வேண்டும் என்ற எண்ணத்தில் சிறு வயது முதலே திருட ஆரம்பித்தார். சிறு சிறு பொருட்களாக திருடி வந்த இவர் மேலும் போலி லாட்டரி சீட்டுகளை விற்பனை செய்தல், கார்களை திருடி விற்பது, சட்டவிரோதமாக போதை பொருட்கள் விற்பது என அடுத்த கட்டத்திற்கு முன்னேறியுள்ளார்.

⚡1970களின் முற்பகுதியில் அவர் ஒரு கடத்தல்காரராகவும், திருடனாகவும் ஆகியிருந்தார். கொலம்பியாவின் தலைநகரமான மெடலினின் அப்போதைய நிர்வாகியை கடத்தினார். அவரை பிணயமாக வைத்து10,00,000 டாலர் சம்பாதித்தார். தனது குற்ற செயல்களின் அடுத்த படிக்கட்டாக அல்வோரோ ப்ரீட்டோ என்ற கடத்தல்க்காரருடன் இணைந்து பணியாற்ற அவர் முடிவு செய்தார்.

குற்றங்கள்

⚡“த அக்கவுண்டட்ஸ் ஸ்டோரி இன்சைட் த வைலண்ட் வேர்ல்ட் ஆஃப் த மெடலின் கார்டல்” என்கிற புத்தகம் பப்லோ எப்படி ஒரு மிகப்பெரிய பணக்காரராக ஆனார் என கூறும் முக்கியமான புத்தகமாகும்.

⚡ராபர்டோ எஸ்கோபர் ஒரு கணக்காளராக (அக்கவுண்டட்) பப்லோ எஸ்கோபார் எவ்வளவு சம்பாதித்தார் என்கிற விவரங்களை சரிபார்த்துக் கொண்டார். மெடலின் கார்டெல் குழு தினமும் அரை பில்லியன் டாலர்கள் மதிப்புள்ள 15 டன் கொக்கோயின்களை கடத்தி சென்றபோது அந்த பணத்தை ஒழுங்குப்படுத்த 1000 டாலருக்கு ரப்பர் பேண்ட் வாங்கினார் பாப்லோ. அவர்களது வருமானத்தில் சுமார் 10 சதவீதம் எலிகளால் சேதமாகினவாம்.

⚡1970 களில் போதை பொருள் வர்த்தகத்தில் இறங்கிய பப்லோ 1975 இல் கொக்கயின் கடத்துவதில் முக்கிய ஆளாக இருந்தார். அவர் அமெரிக்காவில் போதை பொருள் கடத்துவதற்காக கொலம்பியாவிற்கும் பனாமாவிற்கும் இடையே ஒரு சொந்த விமானத்தையே பறக்கவிட்டார்.

⚡1975 ஆம் ஆண்டு ஈக்வாடாரில் இருந்து மெடலினுக்கு வந்த பப்லோ அதிக எடையுடன் பொருட்கள் கொண்டு வந்ததற்காக கைது செய்யப்பட்டார். விசாரனையில் முப்பத்து ஒன்பது பவுண்டுகள் வெள்ளை பேஸ்டுகள் (முடி நீக்க பயன்படும் பேஸ்ட்) இருப்பது கண்டுப்பிடிக்கப்பட்டது.

⚡இதனால் அவர் நீதிபதிகளுக்கு லஞ்சம் கொடுத்து இதை சரி செய்ய நினைத்தார் ஆனால் அவரது முயற்சி தோற்றது. இதற்காக கைது செய்யப்பட்ட இரண்டு பேரையும் அவர் கொலை செய்தார். இதனால் அந்த வழக்கு கை விடப்பட்டது.

⚡முதலில் பழைய டயர்களை பயன்படுத்தி விமானத்தின் மூலம் அவர் கொக்கோயினை கடத்தினார். இதற்காக ஒரு விமானத்தில் கடத்தும் விமானிக்கு 5,00,000 டாலர்கள் வழங்கப்பட்டன. பின்னர் அமெரிக்காவில் கொக்கயின் தேவை அதிகமான போது கூடுதல் கொக்கயின் ஏற்றுமதிக்காக கலிபோர்னியா மற்றும் தெற்கு ப்ளோரிடா உள்ளிட்ட பகுதிகளில் வேறு வழிகள் ஏற்பாடு செய்யப்பட்டன.

⚡இவர் கார்லஸ் லெஹெருடன் இணைந்து நார்மன்ஸ் க்ளே என்னும் தீவை கப்பல் போக்குவரத்துக்காக ஏற்பாடு செய்தார். 1978 லிருந்து 1982 வரை இவர்களுக்கு கடத்தலுக்கு இந்த பாதை முக்கியமானதாக அமைந்தது. பப்லோ பல மில்லியன் டாலர்கள்செலவு செய்து 7.7 சதுர மைல் அளவுள்ள நிலத்தை வாங்கினார்.

⚡அதில் ஒரு தோட்டத்தை அமைத்து அதற்கு ஹசிண்டா நெப்போல்ஸ் என்று பெயரிட்டார். 1980களின் நடுவில் ஒரு விமானத்துக்கு சுமார் 11 டன் கொக்கோயினை கடத்தினார் பாப்லோ. இதனால் இவரை கடத்தலின் சிகரமாகவே கடத்தல்க்காரர்கள் பார்க்க தொடங்கினர்.

⚡அவரது கணக்காளரான ராபர்ட் எஸ்கோபார் கூற்றுப்படி பப்லோ கொக்கயினை கடத்த இரண்டு நீர்மூழ்கி கப்பல்களையும் பயன்படுத்தினாராம். 1982 ஆம் ஆண்டு கொலம்பியன் லிபரல் கட்சி பாப்லோவை கொலம்பியாவின் பிரதிநிதிகள் சபைக்கு உறுப்பினராக தேர்ந்தெடுத்தது.

⚡பாப்லோவுக்கு எதிராக ஒரு குற்றசாட்டு உண்டு. 1985 ஆம் ஆண்டு கொலம்பியா உச்சநீதி மன்றத்தை 19 ஏப்ரல் இயக்கம் என்ற குழு தாக்கியது. இந்த குழுவுக்கு பப்லோ ஆதரவு அளித்ததாக அவர் மீது குற்றச்சாட்டு கிளம்பியது. அப்போது அந்த நீதிமன்றத்தில் பல நீதிபதிகள் கொலைசெய்யப்பட்டனர்.

⚡பல கோப்புகளும் ஆவணங்களும் அழிக்கப்பட்டன. அப்போது கொலம்பியாவின் ஒப்பந்தத்தை நீதிபதிகள் பரீசிலனை செய்துக்கொண்டிருந்தனர். அந்த ஒப்பந்தம் நிறைவேறி இருந்தால் போதை பொருள் பிரபுக்கள் அமெரிக்காவிடம் சரணடைய வேண்டியதாய் இருந்திருக்கும். இதனால் இந்த தாக்குதல்களுக்கும் பாப்லோவிற்கும் இடையே நெருக்கமான தொடர்பு இருக்கலாம் என நம்பப்பட்டது.

பிரபலம்

⚡இவரது நெட்வெர்க் அதிகமாக விரிவடைந்ததால் இவர் உலகம் முழுவதும் பிரபலமடைந்தார். அந்த காலக்கட்டத்தில் அமெரிக்கா, ஸ்பெயின், மெக்ஸிகோ, டொமினிக் குடியரசு, வெனிசுலா, புவேர்ட்டோ ரிக்கோ, ஐரோப்பா மற்றும் அமெரிக்காவின் பிற நாடுகளை சேர்ந்த அனைத்து பகுதிகளிலும் பெரும்பாலான போதை பொருள் கடத்தலை இவரின் மெர்லின் கார்டெல் கும்பல் செய்து வந்தது. அவரது கடத்தல்கள் ஆசியா வரை இருந்ததாகவும் சில வதந்திகள் உள்ளன.

⚡மிரட்டல் மற்றும் ஊழல்களுக்கு இவர் ‘பிளாட்டோ ஓ ப்ளோமா’ என்றுபெயர் வைத்து இருந்தார். அகராதிப்படி இதன் பொருள் வெள்ளி அல்லது ஈயம் என்று இருந்தாலும் பணத்திற்காக கொல்வது என்ற இன்னொரு அர்த்தமும் இதற்கு இருந்தது.

⚡அவரது குற்ற செயல்களில் நூற்றுகணக்கான அரசு அதிகாரிகள் ஈடுபடுத்தப்பட்டனர். தனக்கு எதிரான காவலர்கள் கொல்லப்பட்டனர். நீதிபதிகள் அரசியல்வாதிகளுக்கு லஞ்சம் கொடுப்பது ஆகிய அனைத்தும் இந்த பெயருக்குள் அடங்கும்.

⚡1989 சமயத்தில் உலக கொக்கயின் வர்த்தகத்தில் 80 சதவீதம் மெடலின் கார்டெலின் கட்டுப்பாட்டில் இருந்தது. இவர் கொலம்பிய கால்பந்து அணியான ‘மெடலின் அட்லெடிகா நேஷனல்’ என்னும் கிளப்பின் தலைமை நிதியாளராக இருந்தார் என்று கூறப்படுகிறது.

⚡இவர் பல கால்பந்து மைதானங்கள்கட்டி உள்ளதாகவும், குழந்தைகள் கால்பந்துக்கு நிதி கொடுத்து உள்ளதாகவும் கூறப்படுகிறது. அவர் கொலம்பிய அரசாங்கத்திற்கும் அமெரிக்காவிற்கும் எதிரியாக இருந்தார். ஆனால் ஏழை மக்களிடையே அவர் நல்ல பெயர்களை பெற்று வந்தார்.

⚡மேற்கு கொலம்பியாவில் பள்ளிகள், தேவலாயங்கள் மற்றும் மருத்துவமனைகள் கட்டுவதில் அவருடைய பங்கும் இருந்தது. மேலும் ஏழை மக்களுக்கு வீடு கட்டவும் இவர் பணம் வழங்கினார். உள்ளூரில் உள்ள திருச்சபையில் இவருக்கு மரியாதை இருந்தது. மேலும் மெடலினில் உள்ள உள்ளூர்வாசிகளே அதிகாரிகளிடம் இருந்து அவரை மறைப்பது போன்ற உதவிகளை அவருக்கு செய்து வந்தனர்.

⚡இப்படியாக ஒரு சக்திவாய்ந்த சாம்ராஜ்யத்தை பப்லோ உருவாக்கினார். மற்ற கோக்கயின் கடத்தல்க்காரர்களும் சுமூகமாக கொக்கயின் பெற வழி செய்ததற்காக பாப்லோவிற்கு தங்கள் லாபத்தில் இருந்து 20 முதல் 35 சதவீதம் வரை வழங்கினர்.

⚡1989 ஆம் ஆண்டில் கொலம்பிய ஜனாதிபதி வேட்பாளராக நின்ற லூயிஸ் கார்லோஸ் காலன் கொலை செய்யப்பட்டபோது அதற்கான பழி பப்லோ மீது சுமத்தப்பட்டது. குறைந்த அளவு சிறைத்தண்டனை வழங்குவதாக கூறி அரசு அவரிடம் சரணடையுமாறு பேச்சுவார்த்தை நடத்தியது.

சிறைவாசம்

⚡1991 ஆம் ஆண்டு அவரே கொலம்பிய அரசாங்கத்திடம் சரணடைந்தார். அவருக்கு மட்டும் ஒரு தனியாக ஆடம்பர சிறை தயார் செய்யப்பட்டது. அவர் சரணடைவதற்கு முன்பு புதிய கொலம்பியா அரசியலமைப்பு சட்டம் கொலம்பிய குடிமக்களை நாடுகடத்துவதற்கு தடை விதித்தது.

⚡1992 ஜூலை மாதம் பப்லோ எஸ்கோபார் சிறையில் இருந்தப்படியே தனது கடத்தல் கும்பல்களை இயக்கி வருகிறார் என கண்டறியப்பட்டது. இதனால் இவரை சாதரண சிறைச்சாலைக்கு மாற்ற அரசு முயற்சி செய்தது. தனது செல்வாக்கால் இதை தெரிந்துக்கொண்ட எஸ்கோபார் சிறையில் இருந்து தப்பினார்.

⚡1992 இல் அமெரிக்காவின் ‘சென்ரா ஸ்பைக்’ மற்றும் ‘ஜாயிண்ட் ஸ்பெஷல் ஆபரேஷன் கமெண்ட்’ இரு பிரிவிகளும் இணைந்து அவரை தேட தொடங்கின. இதற்காக கொலம்பியாவின் தேடல் குழுவிற்கு தனியாக பயிற்சியளிக்கப்பட்டது.

⚡லாஸ் பெப்ஸ் (பப்லோ எஸ்கோபாரால் துன்புறுத்தப்பட்டவர்களின் கூட்டம்) மற்றும் அவரது போட்டியாளர்களும் அவர் இல்லாத இந்த சமயத்தை பயன்படுத்தி கொண்டு ஒரு மிகப்பெரும் படுக்கொலையை நடத்தியது. இதன் விளைவாக எஸ்கோபாரின் உறவினர்கள் மற்றும் கூட்டாளிகள் 300 பேர் கொல்லப்பட்டனர். அவரது கார்டலின் குழுவின் பெரிய அளவிலான சொத்துக்கள் அழிக்கப்பட்டன.

⚡உளவுத்துறையின் தேடல் குழு, கொலம்பிய மற்றும் அமெரிக்க உளவுத்துறை மற்றும் லாஸ் பெப்ஸ் ஆகிய அமைப்புகள் எஸ்கோபாரை தேடி கொண்டிருந்தன.

இறப்பு

⚡2 டிசம்பர் 1993 அன்று தேடல் குழு, அமெரிக்க கொலம்பிய புலனாய்வு துறை மற்றும் ‘லாஸ் பெபல்’ ஆகியோரால் தேடப்பட்ட பப்லோ தேசிய காவல் துறையால் கண்டுப்பிடிக்கப்பட்டு சுட்டுக்கொல்லப்பட்டார். ஆனால் எஸ்கோபரின் உறவினர்கள் அவர் தன்னை தானே சுட்டுக்கொண்டாத நம்பினர்.

⚡இதனால் அவரை யார் சுட்டுக்கொன்றது என்பது புதிராகவே உள்ளது. அவரது சவ அடக்கத்தின் போது அதில் 25,000 பேர் கலந்துக்கொண்டனர். அதில் அவர் உதவிய மெடலினில் உள்ள ஏழைகள் அதிகமாக இருந்தனர். அவரது உடல் இடாகுயிஸில் உள்ள ‘செமடோரியா ஜார்டின்ஸ் மான்டசாக்ரோ’ என்ற கல்லறையில் உள்ளது.


Share Tweet Send
0 Comments
Loading...